Home » AS OF AUGUST 29, 2020

AS OF AUGUST 29, 2020

Mga binating Trinidadnons!

Usa ka residente sa Purok 2, barangay Guinobatan gi admit sa GMPH-Talibon niadtong Agosto 14 gumikan sa “spleen malignancy” ug giubanan sa iyang igsoon. Sila nagkauban sa kwarto sa taga barangay Guindacpan, Talibon.

Niadtong Agosto 16 ang pasyente nga taga Guindacpan namatay. Ug pagka Agosto 17 nigawas ang iyang resulta sa PCR Test diin siya nag positibo sa COVID-19. Samtang ang pasyente nga taga Guinobatan nag negatibo sa iyang PCR Test.

Niadtong Agosto 22 ang pasyente nga taga Guinobatan gi refer adto sa GCGMH-Tagbilaran apan nagdumili ang tagtungod ug ni disider nga mopauli sa ilang panimalay diin gikuha sa atong TEMA vehicle. Gi lockdown nato ang ilang panimalay subay usab sa mangno sa GMPH.

Niadtong Agosto 23 ang pasyente gibalik sa GMPH sa may alas-singko sa kaadlawon ug pipila ka oras ang nilabay siya namatay. Sa mao usab nga adlaw ang pasyente ug ang iyang igsoon nga nagbantay gi PCR Test. Ang namatay gilubong dayon ug ang iyang igsoon nipauli sa ilang panimalay.

Gahapong adlawa, Agosto 28 nadawat nato ang resulta sa ilang PCR Test diin nag positibo ang namatay ug ang iyang igsoon.

Mga kaigsoonan wala kitay kabalak-an kay ang ilang panimalay ato na nga gi lockdown sugod pa niadtong August 22 hangtod karon.

Gibantayan sila sa mga tanod ug sa atong mga kapulisan. Gi- secure nato ang mga nagpuyo sa maong panimalay ug sila usab asymptomatic. Naghimo na usab kita sa contact tracing.

Sa pagka karon, ato na usab nga gi lockdown ang mga panimalay sa mga silingan aron pagdugang pagsiguro nga walay local transmission.

Atong gihangyo ang tanan nga mag-amping ug magbinantayon.

Daghang salamat.