HAGIT NI KANHI KONGRESISTA-KANHI MAYOR ATTY. ONDOY CAJES SA BAKAKON NGA INFORMANT

CAJES ROBERTO

HAGIT NI KANHI KONGRESISTA-KANHI MAYOR ATTY. ONDOY CAJES SA BAKAKON NGA INFORMANT

Hugot nga gipanghimakak ni Kanhi Kongresista-kanhi Mayor sa Trinidad, Bohol, Atty. Roberto “ Ondoy” Cajes ang gibalita sa TV 5 niadtong gabii sa Nobyembre 24, 2014 kay ang kamatuoran mao kining mosunod:

Sa pagkatinuod, tulo (3) ka Memorandum of Agreement or MOA ang gihimo sa lungsod sa Trinidad nga gipirmahan sa tulo ka mga mayor sugod niadtong 1999, 2006 ug  2013:

1. Ang unang MOA mao ang gipirmahan ni kanhi mayor  FILADELFO GARCIA niadtong April 7, 1999  didto sa Cebu City diin  wala pa gani  ENVIRONMENTAL COMPLIANCE CERTIFICATE or ECC ang lungsod sa Trinidad. Ang ECC sa Trinidad gi-issue sa DENR niadto pang Sept. 12 , 2003. Kining maong MOA  walay  Resolution sa Sangguniang Bayan authorizing mayor Garcia  to sign this MOA ug walay condition nga kinahanglan mokuha ug “DREDGING PERMIT” ang contractor sa BFAR sa dili pa magsugod ang dredging activities. Apan bisan og wala pa  ma-kompleto ang mga rekisitos, nag-dredging na ang contractor;

2. Ang ikaduhang MOA mao ang gipirmahan ni kanhi mayor OSIAS FLOR, JR. niadtong March 9, 2006, nga bisan og aduna nay ECC nga gikuptan ang lungsod sa Trinidad, wala gihapoy Resolution sa Sangguniang Bayan sa Trinidad nga naghatag og otoridad alang sa pagpirma niya sa maong MOA. Walay condition nga kinahanglan mokuha og “DREDGING PERMIT “ una ang contractor gikan sa BFAR sa dili pa magsugod og dredging. Sa laktud nga pagkasulti,  wala  sunda ang General Conditions sa ECC nga angay ilakip sa maong MOA isip kundisyones nga paga-tumanon sa Contractor. Bisan  wala pa gihapon ma-kompleto and mga rekisitos, nagpadayon pa gihapon pag-dredging ang contractor kay gitaga-an man kini ug  Regular Industrial Permit No. SAG-013-03-14-06 for Five(5)years renewable for another Five (5) years  ni kanhi governador Erico Aumentado niadtong Mayo 24, 2006 .

3. Ang ikatulong MOA mao ang gipirmahan ni kanhi mayor Atty. Roberto “Ondoy” Cajes niadtong June 13, 2013, diin adunay  Resolution sa Sangguniang Bayan No. 061 nga pinitsahan og Mayo 20, 2013 authorizing Atty. Cajes to sign the MOA ug ang MOA mismo nagmando nga ang contractor kinahanglan mokuha una  ug “DREDGING PERMIT” gikan sa BFAR sa dili pa magsugod ug dredge sa Ipil diha sa purok 5, barangay La Victoria, Trinidad, Bohol. Kining maong MOA nagmando sa contractor sa pag-comply sa tanang “General Conditions” sa ECC  diin gawas sa Dredging sa Ipil river aduna pay tulo (3) ka components sa Ipil Rehabilitation Project sama sa “Rehabilitation of banks along the lower Ipil river”, Upland tree plantation to reduce siltation” ug “ Livelihood projects sa affected communities.

Niining tulo (3) ka MOA nga gipirmahan sa lungsod sa Trinidad, nakasiguro si kanhi mayor Atty Ondoy Cajes , nga ang MOA nga iyang gipirmahan maoy nagsunod sa balaod, sa ECC ug mas  “advantageous” kini alang sa lungsod sa Trinidad. Tungod kay ang dredging area naa man mag-concentrate sa Ipil river nga naa dapit sa purok 5 sa brgy La Victoria aron ang mga pumpboats nga nagdala ug marine products  gikan sa ka-islahan  sa Getafe, Talibon, Bien Unido ug Carlos P Garcia, direkta naman kini nga  makasulod  sa merkado sa lungsod sa Trinidad panahon sa ting-hunas ug ang mga magtutuon/estudyante sa Trinidad Municipal College, ang tunghaan nga gipanag-iya sa lungsod, diretso na usab gikan sa ka-islahan ngadto sa Trinidad Municipal College panahon sa ting-hunas ug dili na mosakay pa ug jeepney gikan sa pantalan sa Getafe, Talibon, Bien Unido ug Ubay.

Mahitungod sa expired Quarry Permit nga gipakita sa TV 5, klaro kaayo nga ang kagamhanang probinsyal sa Bohol maoy ni-issue sa maong Permit ngadto ni Pio Bapilar ug tungod niini, ang kagamhanang probinsyal sa Bohol  mao ra usab ang adunay otoridad sa pag-renew o dili  pag-renew sa Quarry Permit ni Pio Bapilar ug walay labot ang lungsod sa Trinidad niini mahitungod sa maong pag-issue og Quarry Permit.

Hinuon ang  SB sa Trinidad nipasar og SB Resolution No. 083, Series of 2012 niadtong pang Mayo 7, 2012 nga nag-endorsar ngadto sa buhatan sa gobernador sa Bohol ug sa DENR Regional Office sa pagpaundang sa quarry operation ni Pio Bapilar.

Human sa makuti nga pakisusi sa mga video footages nga gisukip og pakita sa TV 5, nasuta ni kanhi mayor Atty Roberto “Ondoy” Cajes, nga kadaghanan sa maong mga video footages nga gisalida, lain kini nga mga lugar ug dili kini mao ang mga lugar nga anaa makit-an diha sa Ipil river sa Trinidad.

Tungod niining mga ginama-gama ug peke nga balita ug ingon man sa pagpasalida  sa mga video footages nga kadaghanan niini nga mga lugar dili kini mga lugar sa lungsod sa Trinidad ug ila lamang gipatuo nga ang maong mga video footages sa mga lugar anaa kunohay kini nahimutang sa lungsod sa Trinidad nga maoy gipagawas sa TV 5 sa maong  informant.

Tungod niini, gihagit ni kanhi mayor Atty. Ondoy Cajes ang maong informant sa pagpasaka og sumbong ngadto sa fiscalia o bisan unsang ahensya sa gobyerno batok kaniya ug si kinsa pa nga gusto niya nga ilakip sulod sa usa (1) ka buwan gikan karon, aron pagsuta kon  kinsa ang nagsulti sa tinuod.

Ang hukom unya sa fiscalia o husgado maoy himuon natong sukdanan kon si kinsa gayud ang nagsulti sa tinuod ug si kinsa ang nag-lapas sa balaod. Nakasiguro usab si kanhi mayor Atty. Ondoy Cajes nga walay kalibutan ang TV 5 ug ang programa,  sa mga  bakak nga gipagawas niniing maong informant.

Isip panapos, miingon si Atty. Ondoy Cajes, nga kung dili mokiha ang maong informant batok kaniya ug si kinsa pa sulod sa usa (1) sa buwan gikan karon, nagpasabaot kana nga gibayran ang informant sa pagpamakak  aron lamang pagdaot kaniya , sa naglingkod nga mayor karon ug sa iyang administrasyon.

The IPIL RIVER-2