Sayod kita sa panahon nga buwan na kapin sige ug uwan hinungdan sa paghumok sa yuta hilabi na sa atong mga kalsada sa Barangay Kinan-oan, Sto. Tomas, Hinlayagan, Kauswagan ug sa pipila nga mga baragangay sa lungsod sa Trinidad.Niadtong pebrero 13, 2023 nag patawag ug urgent meeting si Mayor Atty. Roberto C. Cajes sa mga Barangay Capt. sa Sto. Tomas, Kauswagan, Hinlayagan ug Kinan-oan kauban usab si Rev. Fr. Tereso Lumacang, Jr. mga quary operators ug mga kadagko-an sa mga Opisina sa atong lungsod aron sa pagbansay-bansay sa mga plano aron mahatagan ug tumang solusyon ang maong problema.

Pinaagi sa atong Media Team sa lungsod nakita nato ang kalisod sa mga katawhan hilabi sa ilang pag agi2x sa mga kalsada tungod sa kaguba niini. Sa maong tapok, nasabotan sa kadaghanan nga paga-ayuhon ang kalsada kon mosagunson na ang init nga panahon. Sa nasabotan, ang Lungsod sa Trinidad mohatag ug filling materials sama sa source nga pwede kuhaan og graba, mohatag usab ang lungsod og pundo para sa gas and fuel. Ang mga quarry operators mo pahulam sa ilang heavy equipments sama sa dumptrucks og backhoe aron sa paghakot ug pagkatag niini sa lubak na kadalanan, inubanan sa pag-uyon sa mga Kapitan sa apektadong mga Barangay, sila mo counterpart og manpower nga maoy motabang sa pagkatag sa mga filling materials.